Erfðafjárskattur
- málsmeðferð skattstjóra
|
Með lögum um
erfðafjárskatt nr.
14/2004 var hlutverki skattstjóra við álagningu erfðafjárskatts
breytt. Er kveðið á um
að skattstjóri skuli yfirfara erfðafjárskýrslur og eftir atvikum
endurákvarða erfðafjárskatt. Telji skattstjóri þörf á
skýringum skal hann skora á erfingja eða skiptastjóra að leggja fram
skýringar og gögn. Ef skattstjóri telur eignir rangfærðar á
erfðafjárskýrslu skal hann endurákvarða erfðafjárskattinn.
Að lokinni yfirferð sendir
skattstjóri öllum erfingjum tilkynningu um lok yfirferðar, annað
hvort með tölvupósti eða almennum pósti. Ef ekki finnst
tölvupóstfang eða heimilisfang á erfðafjárskýrslu eða í þjóðskrá þá
fær erfingi enga tilkynningu.
|
| |
Skattframtal dánarbús.
|
|
Ef skattskil hins látna voru
sameiginleg með eftirlifandi maka skal gera grein fyrir tekjum eftir
andlát á skattframtali maka.
Ef hinn látni lét ekki eftir sig
maka þarf að skila skattframtali fyrir dánarbúið.
|
| • |
Erfingjar telja fram til skatts fyrir bú sem eru
undir einkaskiptum. Skiptastjórar telja fram fyrir dánarbú í opinberum
skiptum. |
| • |
Telja ber fram til skatts frá andlátsári til ársins
eftir að skiptum hjá sýslumanni er lokið.
Dæmi: |
-
Arfláti lést 2007 og
dánarbúinu skipt á árinu 2008.
Telja þarf fram fyrir dánarbúið gjaldárið
2008 á skattframtali manns (RSK 1.01).
Telja þarf fram fyrir dánarbúið gjaldárið 2009 á „Skattframtal
dánarbús“ (RSK 1.03).
-
Arfláti
lést 2008 og dánarbúinu skipt á árinu
2008.
Telja þarf fram fyrir dánarbúið gjaldárið
2009 á skattframtali manns (RSK 1.01).
-
Arfláti
lést 2008 og dánarbúinu skipt á árinu 2009.
Telja þarf fram fyrir dánarbúið gjaldárið
2009 á skattframtali manns (RSK 1.01).
Telja þarf fram fyrir dánarbúið gjaldárið 2010 á „Skattframtal
dánarbús“ (RSK 1.03).
-
Arfláti
lést 2009 og dánarbúinu skipt á árinu
2009.
Telja þarf fram fyrir dánarbúið gjaldárið
2010 á skattframtali manns (RSK 1.01).
Eyðublöð skattframtals og
erfðafjárskýrslu má
nálgast á
www.skattur.is. |
|
|
| |
Algengar spurningar.
|
|
Upplýsingar þessar teljast ekki vera
bindandi álit skattstjóra. Komi atriði á þessum síðum til ágreinings
fyrir skattyfirvöldum verður stuðst við gildandi lög og reglur á
hverjum tíma.
Skattlagning á tekjum dánarbúa.
Dánarbú eru lögaðilar og söluhagnaður lögaðila telst ávallt til
skattskyldra tekna. Tekjuskattshlutfall dánarbúa er 23,50% skv.
núgildandi ákvæðum 2. mgr. 71. gr. laga nr. 90/2003.
Ef hlutabréf eru seld eða verðbréf innleyst eftir andlát skattaðila en
fyrir lok búskipta hjá sýslumanni þá teljast söluhagnaður og/eða
innlausnarvextir til skattskyldra tekna lögaðila, en ef
salan/innlausnin fer fram eftir að búskipum er lokið þá teljast
söluhagnaður og/eða innlausnarvextir til skattskyldra tekna erfingja.
Sala á fasteign hins látna.
Hagnaður af sölu eigna telst til skattskyldra tekna skv. 8. tl.
C-liðar 7. gr. laga nr. 90/2003, sbr. 12. - 27. gr. sömu laga.
Söluhagnaður telst vera mismunur á söluverði eignar og stofnverði sbr.
12. gr. laga nr. 90/2003.
Undanþága frá skattlagningu á söluhagnað íbúðarhúsnæðis í 17. gr. laga
nr. 90/2003 gilda bara fyrir menn. Dánarbú eru lögaðilar og
söluhagnaður lögaðila telst ávallt til skattskyldra tekna.
Tekjuskattshlutfall dánarbúa er 23,50% skv. núgildandi ákvæðum 2. mgr.
71. gr. laga nr. 90/2003.
Ef maður selur íbúðarhúsnæði sem hann hefur eignast við arftölu gilda
undanþágu ákvæði 17. gr. laga nr. 90/2003 um söluhagnað arfláta sbr.
23. gr. sömu laga, þ.e. samanlagður eignarhaldstími erfingja og
arfláta gildir við útreikning eignarhaldstíma. Tekjuskattshlutfall
manna af skattskyldum söluhagnaði íbúðarhúsnæðis er 15,00% sbr.
núgildandi ákvæði 3. mgr. 66. gr. laga nr. 90/2003.
Hvernig er stofnverð fasteigna fundið?
Stofnverð eigna er að öllu jöfnu upphaflega kaupverðið auk kostnaðar
við viðbætur. Stofnverð fasteigna á að koma fram í fylgigögnum
skattframtals árið eftir kaupin. Upplýsingar um framkvæmdakostnað eiga
að koma fram á húsbyggingaskýrslu með framtali ársins eftir byggingu.
Stofnverð eigna sem seljandi átti fyrir árslok 2000 má framreikna skv.
verðbreytingarstuðli sbr. þágildandi ákvæði 26. gr. laga nr. 75/1981.
Ef seljandi átti fasteignina í árslok 1978 þá má nota gildandi
fasteignamat í lok árs 1979 stað stofnverðs sbr. 2. mgr. 15. gr. laga
nr. 90/2003.
Skattaðila er jafna heimilt að telja helming söluverðs til
skattskyldra tekna í stað söluhagnaðar sbr. 3. mgr. 15. gr. laga nr.
90/2003.
|
Leiðbeiningar frá Skattstjóra
vegna dánarbúa.
|
|
Hér er að finna
leiðbeiningar
sem gefnar hafa verið út af Skattstofu Reykjavíkur. Til að skoða þær
þarf hugbúnað sem getur lesið PDF skjöl. Forritið
Adobe Reader má sækja hér.
|
